Мўғулистонда 18 ёшгача бўлган хоккейчилар ўртасида IIHF Осиё ва Океания чемпионати ўтказилмоқда… Мусобақада Ўзбекистон U18 миллий жамоаси муваффақиятли иштирок этди.
Ёш хоккейчилар Туркманистон (5:0), Эрон (14:1), Мўғулистон (7:4) ва Таиланд (10:2) устидан ғалаба қозониб, 12 очко жамғариб, муддатидан олдин турнир ғолиби бўлди. Сўнгги турдан ўрин олган БАА хоккейчиларига қарши 17 март кунги баҳс ҳеч қандай аҳамият касб этмайди.
Ўзбекистон U18 миллий жамоаси таркиби Тошкентнинг «Ҳумо» ва «Бинокор» клуби хоккейчиларидан таркиб топган. Жамоага россиялик Артур Фахрутдинов мураббийлик қилади.
Турнир бомбардирлари рўйхатида ўзбекистонлик Жасурбек Рустамхонов 16 очко билан пешқадамлик қилмоқда. У 9 та гол уриб, 7 та голли узатмани амалга оширган.
