Бугунга келиб, турнирда иштирок этадиган жамоалар таркиби тўлиқ шаклга келиб улгурди. Хўш, Саудия Арабистонида қайси клублар меҳмон бўлади?
«Манчестер Сити» (Англия). «Шаҳарликлар» бўлажак мусобақада Европа Чемпионлар Лигаси ғолиби сифатида иштирок этишади. Айтиш жоиз, «Сити» Клублар ўртасидаги ЖЧ дебютанти ҳисобланади.
«Леон» (Мексика). Клублар миқёсидаги ЖЧнинг яна бир дебютанти. «Леон» Жиддага КОНКАКАФ Чемпионлар Лигаси ғолиби мақомида ташриф буюради.
«Урава Редс Даймондс» (Япония). Саитама клуби - Осиё Чемпионлар Лигасининг амалдаги ғолиби. «Урава Редс» Клублар ўртасидаги ЖЧда иккинчи уринишини амалга оширади. Японлар 2007 йили ҳам жаҳон турнирида қатнашишган.
«Ал-Аҳли» (Миср). «Қизил иблислар» Африка Чемпионлар Лигасидаги ғалаба эвазига клублар мундиалига йўлланма олишди. Диққат, Миср футболи гегемони ушбу турнирда 6-марта иштирок этади.
«Окленд Сити» (Янги Зеландия). Океания Чемпионлар Лигаси бош соврини соҳиби. «Окленд Сити» Клублар ўртасидаги ЖЧда ўз қитъаси шарафини иккинчи марта ҳимоя қилади.
«Ал-Иттиҳод» (Саудия Арабистони). «Йўлбарслар» бўлажак турнир квотасини мезбон сифатида олишган. Карим Бенземанинг ҳозирги клуби Клублар ўртасидаги ЖЧда охирги марта 2005 йили кўриниш берганди.
«Флуминенсе» (Бразилия). Бу жамоа яқиндагина «Бока Хуниорс»ни енгиб, Либертадорес кубоги чемпионига айланди ва клублар мундиалида ўйнаш ҳуқуқини қўлга киритди. «Флу» - турнирнинг яна бир дебютанти.
