Футболчиларнинг шартномаси ҳақидаги маълумотларга ихтисослашган Германиянинг Transfermarkt портали Ўзбекистон миллий жамоаси қийматини 24,65 млн еврога баҳолади.
Бу кўрсаткич бўйича Ўзбекистон миллий жамоаси Осиёда олтинчи, собиқ СССР давлатлари орасида бешинчи, Марказий Осиё давлатлари орасида биринчи ўринда.
Миллий жамоанинг энг қиммат футболчиси ҳамон «Рома» ҳужумчиси Элдор Шомуродов бўлиб турибди, унинг тахминий бозор нархи 8 млн еврога баҳоланган. Бу қиймат ўтган йилга нисбатан 6 млн еврога арзонлаган.
Собиқ СССР давлатлари орасида Украина энг қиммат жамоага айланди. Transfermarkt экспертлари уни 176,5 миллион еврога баҳолаган. Украинанинг энг қиммат футболчиси Италиянинг «Аталанта» клуби яримҳимоячиси Руслан Малиновский бўлиб, унинг нархи 28 млн евро.
Иккинчи ўринда Россия миллий жамоаси (138,8 млн евро), энг қиммат футболчиси «Краснодар» клуби дарвозабони Матвей Сафонов (16 млн евро).
Кейинги ўринларда (барча нархлар еврода):
- Грузия (83,95 млн), энг қиммат футболчиси — яримҳимоячи Хвича Кварацхелия («Наполи» Италия) - 35 млн.
- Арманистон (27,65 млн) — яримҳимоячи Эдуард Сперцян, («Краснодар», Россия) - 9 млн.
- Ўзбекистон (24,65 млн) — ҳужумчи Элдор Шомуродов («Рома», Италия) - 8 млн.
– Қозоғистон (17,6 млн) – яримҳимоячи Бахтиёр Зайнутдинов (ЦСКА, Россия) – 3,5 млн.
- Озарбойжон (17,15 млн) — ҳужумчи Моҳир Эмрели («Динамо Загреб», Хорватия) - 1,5 млн.
- Молдова (14,75 млн) — ҳимоячи Олег Рябчук («Олимпиакос», Греция) - 4 млн.
- Беларус (12,60 млн) — яримҳимоячи Евгений Яблонский («Арис Лимассол», Кипр) - 1,2 млн.
- Эстония (10,6 млн) — дарвозабон Карл Хайн («Арсенал» ёшлар жамоаси, Англия) - 1,5 млн.
- Латвия (9,6 млн) — ҳужумчи Раймондс Кроллис («Валмиера», Латвия) - 1,5 млн.
- Литва (6,78 млн) — ҳимоячи Арвидас Новиковас («Самсунспор», Туркия) - 600 минг
- Қирғизистон (5,98 млн) — ҳимоячи Валерий Кичин («Енисей», Россия) - 750 минг.
- Тожикистон (5,28 млн) – яримҳимоячи Парвизжон Умарбоев (ЦСКА-1948, Болгария) – 750 минг.
- Туркманистон (2,06 млн) — ҳимоячи Арсланмурод Аманов («Аҳал», Туркманистон) - 200 минг
