Жараёндан олдин Германия, Франция, Бельгия, Португалия, Испания ва Англия миллий жамоалари 1-саватча таркибини ташкил этганди. Қуръа натижаларига қарасак, Испания, Албания, Хорватия ва Италия миллий жамоаларини ўз ичига олган «B» гуруҳи оғирроқдек.
***
Регламентга кўра, 6та гуруҳда 1-2-ўринларни банд этган 12та жамоа «плей-офф» босқичига ўтади. Шунингдек, 3-ўрин эгалари орасида яхшироқ натижага эга яна 4та иштирокчи курашни давом эттиради. Эслатиш керак, Евро-2024 14 июнь куни бошланади. Турнир финали эса 14 июлга белгиланган.
***
Маълумот учун, ҳозирда Евро-2024да қатнашадиган 21та жамоа маълум. Яна 3та йўлланмага эса 12та жамоа даъвогар. Барчасига кейинги йилнинг 21 ва 26 март кунлари бўлиб ўтадиган «плей-офф» ўйинлари ойдинлик киритади.
«А» ЙЎЛИ
Ярим финал. 2024 йил 21 март (пайшанба)
Польша - Эстония
Уэльс - Финляндия
Финал. 2024 йил 26 март (сешанба)
Уэльс|Финляндия - Польша|Эстония
«В» ЙЎЛИ
Ярим финал. 2024 йил 21 март
(пайшанба)
Исроил - Исландия
Босния ва Гер. - Украина
Финал. 2024 йил 26 март (сешанба)
Босния ва Гер.|Украина - Исроил|Исландия
«С» ЙЎЛИ
Ярим финал. 2024 йил 21 март
(пайшанба)
Грузия - Люксембург
Греция - Қозоғистон
Финал. 2024 йил 26 март (сешанба)
Грузия|Люксембург - Греция|Қозоғистон
«А» ГУРУҲИ
Германия
Шотландия
Венгрия
Швейцария
«В» ГУРУҲИ
Испания
Албания
Хорватия
Италия
«С» ГУРУҲИ
Словения
Дания
Сербия
Англия
«D» ГУРУҲИ
«Плей-офф»-А ғолиби
Нидерландия
Австрия
Франция
«E» ГУРУҲИ
Бельгия
Словакия
Руминия
«Плей-офф»-B ғолиби
«F» ГУРУҲИ
Туркия
«Плей-офф»-C ғолиби
Португалия
Чехия
Айтганча, УЕФА Россия миллий жамоасини Европа Миллатлар Лигаси-2024|2025га ҳам қўймаслик ҳақида қарор чиқарди. Айтиш жоиз, 54та жамоа иштирок этадиган навбатдаги турнир ЖЧ-2026 саралаш босқичи вазифасини ҳам ўтаб беради. Беларусь ва Украина миллий жамоалари эса нейтрал майдонда ўйнашда давом этади.
***
УЕФА Ижроий қўмитаси Гамбургда ташкил этилган қуръа ташлаш маросими давомида бўлажак қитъа чемпионати соврин жамғармасини ҳам тасдиқлади. Унга мувофиқ, ҳар бир жамоа иштирок учун 9,25 миллион евро (кафолатган маблағ) олади. Қолгани натижаларга боғлиқ:
Гуруҳ босқичидаги ғалаба учун - 1 миллион евро
Гуруҳ босқичидаги дуранг учун - 500 минг евро
1|8 финалдаги иштирок учун - 1,5 миллион евро
1|4 финалдаги иштирок учун - 2,5 миллион евро
1|2 финалдаги иштирок учун - 4 миллион евро
Финалдаги иштирок учун (мағлуб жамоага) - 5 миллион евро
Финалдаги иштирок учун (ғолиб жамоага) - 8 миллион евро
