Ўзбекистон терма жамоаси аъзоларидан Тахмина Икромова 5 йўналишда олтин медални қўлга киритган бўлса, Анастасия Сарансева, Лола Жўраева, Мишел Нестерова ўз йўналишларида, шунингдек ҳамюртларимиз жамоавий ҳамда кўп кураш йўналишидаги ёшлар ўртасидаги баҳсларда ҳам шоҳсупанинг энг юқорисини банд этди.
Муросасиз беллашувларда ҳамюртларимиздан Эвелина Аталянс, Ёсмина Раҳимова, Наталя Усова каби спортчиларимиз совриндорлар қаторидан жой олди.
Умумий ҳисобда 10 та олтин, 7 та кумуш ва 1 та бронза медални жамғарган Ўзбекистон бадиий гимнастикачилари пойтахтимиздаги Ислом Каримов номидаги халқаро аэропортда тантанали кутиб олинди. Кутиб олиш маросимида Ёшлар сиёсати ва спорт вазири Адҳам Икрамов бошчилигидаги спорт мутасаддилари, жамоатчилик вакиллари, спортчиларнинг яқинлари иштирок этди.
Т. Рўзиев, ЎзА
